Allt grænt á Íslandi á einum stað!

Náttúran.is lítur á það sem samfélagslega skyldu sína að þróa eins fullkomnar „grænar síður“ fyrir Ísland og mögulegt er. Grænu síðurnar™* gefa yfirsýn yfir á hin fjölmörgu fyrirtæki, félög og stofnanir sem tengjast náttúru og umhverfi á einn eða annan hátt. Grænu síðurnar tengja viðmið og vottanir við fyrirtæki og vörur og gefa hinum almenna neytanda möguleika á að beina viðskiptum sínum þangað sem honum finnst vera stunduð fyrirmyndar starfsemi. Grænar síður eru liður í að gera eftirfarandi markmið Náttúrunnar að veruleika:

  • Að þróa tæknilegar lausnir að samskiptaveröld sem getur tengt á milli þátta sem annars hafa aðeins huglæga eða óbeina tengingu.
  • Að auka veg íslenskrar náttúru og náttúruafurða í landkynningarlegu tilliti.
  • Að efla atvinnutækifæri henni tengdri um allt land og á öllum sviðum.
  • Að efla þátttöku sem flestra í umhverfismeðvituðum lifnaðarháttum og neyslu sem er síður mengandi eða skaðleg en önnur.

Á Grænum síðum eru upplýsingar um félög, fyrirtæki og stofnanir sem uppfylla t.a.m. eftirfarandi skilyrði eða stunda eftirtalda starfsemi:

  • Hafa umhverfisvottun (vottun þriðja aðila) fyrir framleiðslu sína eða starfsemi.
  • Eru seljendur umhverfis- og/eða sanngirnisvottaðrar vöru.
  • Hafa opinbera umhverfisstefnu.
  • Hafa fengið umhverfisviðurkenningu.
  • Halda grænt bókhald.
  • Eru eftirlitsaðilar, matsaðilar, félög eða stofnanir.
  • Eru í ferli til að fá vottun.
  • Bjóða þjónustu tengda náttúru og/eða umhverfi.
  • Stunda sjálfbæra starfsemi af einhverjum toga.
  • Eru framleiðendur/innflytjendur náttúrulegrar framleiðslu og/eða heilsuvöru.

Ekkert gjald er tekið fyrir grunnskráningu og vottunartengingar. Hægt er að bæta ítarupplýsingum við skráninguna gegn hóflegu gjaldi. Fara á skráningarsíðu. Vottanir og aðrar ítarupplýsingar þurfa að vera byggðar á kröfum og skilyrðum tiltekinna vottunaraðila og vera óvéfengjanlegar. Náttúran áskilur sér rétt til að kynna sér réttmæti innsendra upplýsinga og vinnur í þeim tilfellum með viðkomandi vottunar- og eftirlitsaðilum.

4601 aðilar eru skráðir á Grænar síður (staðan í mars 2014). Til þess að komast að því hvort að þitt fyrirtæki eða einhver sem að þér finnst að ætti heima á Grænum siðum sé þar inni nú þegar, sláðu þá inn nafnið í leitargluggann. Hafir þú tillögur að skráningu aðila á Grænar síður og kort eða vilt breyta eigin skráningu, af einhverjum ástæðum, þá hafðu samband og við leitumst við að fullkomna skráninguna í sameiningu.

Allar tillögur að nýskráningum eru vel þegnar enda ekki hægt að vinna slíkt landsyfirlit sem Grænar síður og kort eru án aðstoðar allra sem hlut eiga að máli. Sendu fyrirspurn eða tillögu á natturan@natturan.is eða hringdu í síma 483 1500.

Skráning á Grænar síður:

Grunnskráning:

  • Nafn (heiti fyrirtækis) – gjaldfrjálst
  • Heimilisfang (heimilisfang og póstfang) – gjaldfrjálst
  • Sími – gjaldfrjálst 
  • Vottanir og merkingar (hafi viðkomandi vottun) – gjaldfrjálst

Aukaskráningar:

Pakki 1.

  • Lógó ( möguleiki að setja inn þýdd lógó eftir tungumálum ) 
  • Upplýsingar um starfssemi, lýsing á rekstri og þjónustu (max 800 slög m. bilum á hverju tungumáli)

1 mánuður= 1.500*
1/2 ár,15% afsl.= 6.750*
1 ár, 30% afsl.= 12.600*

Pakki 2.

  • Gallerí - myndasafn ( allt að 6 ljósmyndir)

1 mánuður= 1.500*
1/2 ár,15% afsl.= 6.750*
1 ár, 30% afsl.= 12.600*

Pakki 3.

Hægt að skrá sérstakar upplýsingar á hverju tungumáli ef beina á samskiptum að ákvðenum aðila eftit málum.

  • Upplýsingar um samskipti (nafn tengiliðar og farími )
  • Tenglar 1 x netfang, 1 x veffang, 1 x samfélagsmiðill
  • Afgreiðslu/opnunartímar

1 mánuður= 1.000*
1/2 ár, 15% afsl.= 5.100*
1 ár, 30% afsl.= 8.400*

*Verð í íslenskum krónum, án vsk.

Hægt er að skrá grunnupplýsingar og ítarupplýsingar á tveim málum, íslensku og ensku.
Fara á skráningarsíðu.

Athugið að skráning á Grænar síður er lykillinn að birtingu á Græna kortinu og Græna korts appinu.

*Grænar síður™ er vörumerki Náttúran er ehf.

Hafir þú spurningar eða uppástungur sendur okkur línu á natturan@natturan.is eða hringdu í síma 483 1500.

Tákn fyrir Græna síður Náttúrunnar: Guðrún Tryggvadóttir og Signý Kolbeinsdóttir ©Náttúran.is. 

Messages: