Nature.is

10.02.2012 kl. 07:22

Færð og aðstæður

Flughálka er á Grindarvíkurvegi.

Hálkublettir eru í Þrengslum og á Hellisheiði einnig eru hálkublettir frá Selfossi að Hvolsvelli og á nokkrum leiðum í uppsveitum.

Á Vesturlandi er hálka á Holtavörðuheiði , Bröttubrekku og Vatnaleið. Hálkublettir eða snjóþekja er á flestum öðrum leiðum.

Á Vestfjörðum er þæfingsfærð á Steingrímsfjarðarheiði, Þröskuldum, Hálfdáni, Mikladal og Kleifarheiði á öðrum leiðum er snjóþekja og verið að hreinsa.

Á Norðurlandi eru hálkublettir eða snjóþekja á flestum leiðum. Hálka og éljagangur er á Vatnsskarði og hálkublettir og éljagangur á Öxnadalsheiði.

Austanlands eru hálkublettir á nokkrum fjallvegum en meira og minna autt á láglendi.

Þungatakmarkanir

Þungatakmarkanir eru nú víða um land.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Þá eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

Hreindýr á Austur- og Suðausturlandi

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.

Sjá má staðsetningu hreindýrasvæða hér.

Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin