Nature.is

The Living Room - Visual Arts

The visual arts are just as important in every household as music and books. It does not matter whether it is the work of a well-known artist or a drawing made by the kids, what matters is that the location of the painting and its essence harmonize with the surrounding space and interior. The good thing about a „quality piece of art“ is that art can be excellently made. Since good art is never obsolete,it is very environmentally friendly.

Bad prints and fashion pictures, however, only last for a short time because the quality is generally poor and it’s only a question of time when the whole thing ends up in the dump. If you have to buy bad art and if you want to change and throw out copies regularly, keep in mind that they are not made from chemicals that can have a harmful impact long after you have thrown them away.

Einkunn

Þú skalt ekki listar njóta - Listalausi dagurinn

Listalausi dagurinn er í dag. Markmið með listalausum degi er að minna á hve stórt hlutverk listir gegna í daglegu lífi okkar. Lagt er til að öll list verði sniðgengin þennan dag.

Eftirfarandi 15 boðorð eru þér til leiðbeiningar.

1. Ekki fara á listasöfn, hönnunarsöfn, gallerí eða minjasöfn sem geyma listaverk.
2. Ekki horfa á myndlistarverk, þar með talin málverk, ljósmyndir, höggmyndir og innsetningar, hvort sem er úti sem inni.
3. Ekki fara á tónleika.
4. Ekki hlusta á tónlist, hvorki af CD, vínil, snældu, stafrænum tónlistarspilurum né snjallsímum (hringitónar meðtaldir).
5. Ekki spila tölvuleik með grafískri mynd.
6. Ekki fara á danssýningu.
7. Ekki lesa skáldsögu, ljóð eða nokkurn annan texta sem talist gæti til fagurbókmennta.
8. Ekki fara í leikhús.
9. Ekki horfa á kvikmynd, hvorki í bíó, af tölvu, í sjónvarpi né hverskonar skjá
10. Ef einhvers konar listaverk birtist í sjónvarpi, t.d. í fréttum eða auglýsingum, ber að loka augunum eða líta undan.
11. Ef tónverk heyrist í sjónvarpi eða útvarpi ber að lækka niður í tækinu.
12. Ekki horfa á byggingar sem eru hannaðar af arkitekt.
13. Ekki horfa á eða ganga um garða sem eru hannaðir af landslagsarkitekt.
14. Ekki horfa á eða ganga í sérhönnuðum fötum eftir fatahönnuð.
15. Ekki gera neitt eða njóta neins sem hægt væri að túlka sem list eða hefur í sér listrænt gildi, þar með talin verk dansara, hönnuða, kvikmyndagerðarmanna, leikara, myndlistar-manna, rithöfunda og tónlistarmanna.

Engin myndskreyting er með greininni, af augljósum ástæðum.

Einkunn

Samstarf Bjarkar, Háskóla íslands og Reykjavíkurborgar: Náttúra, tónfræði og vísindi. Nám og leikur!

Hljómplata Bjarkar Guðmunsdóttur Biophilia er komin út og hefur nú þegar vakið heimsathygli. Um er að ræða stórvirki á mörgum sviðum, tilraun til nýstárlegrar heildrænnar sýnar á tengsl manns og náttúru, tækni og tónlistar. Og sú þverfaglega margmiðlunartilraun heldur áfram, nú taka grunnskólanemendur þátt í að þróa nýja tónvísindasýn !

Fyrsta af níu Bíófílíu-tónleikasýningum á Iceland Airwaves-hátíðinni í Hörpunni verður haldin í samstarfi við Smekkleysu miðvikudaginn 12. október.

En strax þriðjudaginn 11. október hefst Bíófílíu-hátíðin á Íslandi þegar Tónvísindasmiðja reykvískra grunnskólabarna tekur til starfa í Hörpunni og heldur áfram samhliða Bíófílíu-tónleikadagskránni.

Biophilia er ekki bara hljómplata og tónleikar heldur áframhaldandi tilraun til að sameina á nýjan leik vísindi og listir til að skilja í stærra samhengi tengsl mannsins við náttúruna. Hljómaplata Bjarkar Biophilia er útkoman af langri tilraunastarfsemi á sviði vísinda og tónlistar. Og tilraunastarfsemin heldur áfram: Í nafni Bíófílíu-samstarfsins býður Björk til tónvísindasmiðju í samstarfi við Reykjavíkurborg, Iceland Airwaves-tónlistarhátíðina og Háskóla Íslands.

Tónvísindasmiðjur Bíófílíu eru í gangi samhliða tónleikaröðinni í Hörpu. Sú þverfaglega og róttæka starfsemi sem þar fer fram er tilraun sem hófst í Manchester í sumar og verður áframhaldið um allan heim. Skapandi rannsóknarstarfsemi í tónmenntum þar sem klassísk fræði tengjast nýjustu tæknilegum rafundrum heimsins er hér að verða veruleika og í framhaldinu mun tónmenntakennsla í grunnskólum landsins vonandi verða tengd við heildræna hugsun og nýsköpun.

Börn fá hér tækifæri til að vinna með sérfræðingum á sviði náttúruvísinda, tónlistar og tölvutækni. Auk þess munu þau vinna með tónlist Bjarkar sem og með hljóðfæri hennar, en þau eru einstök g hafa sterk tengsl við náttúruvísindi og tölvutækni.

48 nemendur úr þremur grunnskólum í Reykjavík ríða á vaðið í þessari ögrandi og spennandi tilraun þar sem numið er með sjón, heyrn og snertingu. Nemendurnir koma úr þremur skólum og eru á aldrinum 10-12 ára, úr fimmta, sjötta og sjöunda bekk. Tónmenntakennarar, náttúrufræðikennarar, skólahljómsveitarstjórar og vísindamenn og kennarar úr Háskóla unga fólksins sem eru þrautreyndir í gagnvirkum kennsluaðferðum leiða nemendurna inn í tónheim Bíófílíu í sérhönnuðum vísinda- og tónfræðismiðjum.

Nemendur fræðast ekki bara um heim tónfræðinnar, hljóma, tónraðala, takta, bassalínur, forskriftir, strúktúr og skala heldur jafnframt um hulduheima svarthola, kristalla, tungls, eldinga, jarðreka, þyngdarkrafts, vírusa, möndulhalla og erfðaefni (DNA). Inni í undraheimi Bíófílíu læra nemendur á snertivirkni-smáforrit (Öpp) sem eru þau fyrstu sinnar tegundar í heiminum og skapa í framhaldinu sínar eigin útsetningar og tónsmíðar og hjálpa jafnframt til við að móta námskrá framtíðarinnar. Í framhaldi verður fleiri börnum boðið að taka þátt í þessari þverfaglegu tilraun innan grunnskóla Reykjavíkur.

Upplýsingar er að finna á nýrri vefsíðu á www.bjork.com.
Grafík: Skjáskot af nýjum vef Bjarkar.

Einkunn

Náttúrulega hamingjusöm mynstur

Laugardaginn 8. október nk. kl:14:00, flytur finnski hönnuðurinn Pia Holm fyrirlestur í Hönnunarsafni Íslands í Garðabæ.

Pía er myndskreytir og textílhönnuður og nefnir hún fyrirlesturinn Naturally Happy Patterns eða Náttúrulega hamingjusöm mynstur. Pía mun fjalla um finnska textílhönnun og eigin verk. Hún hefur um árabil unnið fyrir stór norræn fyrirtæki, meðal annars fyrir hið heimsþekkta fyrirtæki MARIMEKKO og einnig undir eigin merki happydesign.fi.

Fyrirlesturinn er öllum opinn meðan húsrúm leyfir og er aðgangur ókeypis.

Verk Piu munu verða til sýnis í safninu í október 2011.

Grafík: 3 Marimekko mynstur eftir Piu Holm.

Einkunn

Þar sem ég bjó og það sem ég lifði - Hildur Hákonardóttir í Ásmundarsal

Í dag kl. 15:00 opnar listakonan og náttúrubarnið Hildur Hákonardóttir einkasýningu í Listasafni ASÍ Ásmundarsal. Sýningarstjórar eru Unnar Örn og Huginn Þór Arason.

Hildur Hákonardóttir (f. 1938) hóf nám við Myndlista- og handíðaskóla Íslands 26 ára gömul og eftir útskrift þaðan 1968 fór hún í framhaldsnám við Edinburgh Collage of Art og aflaði sér  frekari menntunar í myndvefnaði. Á fyrstu einkasýningu sinni í Gallerí SÚM 1971 steig Hildur  fram sem frumkvöðull nýrrar stefnu í myndvefnaði hérlendis þar sem sameinaðar voru hugsjónir, krítísk hugmyndafræði og fersk myndsýn.

Hildur Hákonardóttir hefur tekið gagnrýna afstöðu í verkum sýnum, vakið upp og spurt  spurninga og verið óhrædd við að tjá skoðanir sínar. Á áttunda áratug síðust aldar tók Hildur mjög eindregna afstöðu í verkum sínum gegn hernaði og stríðsrekstri vesturveldanna en einnig fjallaði hún á margbrotinn hátt um hlutskipti kvenna, sjálfsmynd karlmannsins og stöðu mannsins gegn náttúrunni.

Eitt verka á sýningunni, verk í gryfjunni, er tileinkað Henry David Thoreau (1817-1862) sem hefur verið vinur Hildar í anda alla hennar ævi og haft mikil áhrif á líf hennar og störf. Thoreau var skáld, rithöfundur, heimspekingur, skattgreiðslu neitandi og þróunargagnrýnandi sem hafði mikil áhrif, ekki aðeins á samtíma sinn heldur hafa verk Thoreau ekki síður áhrif í nútímanum. Hann er höfundur yfir 20 bóka, m.a. bókarinnar Walden þar sem hann fjallar um það sem hann lærði af því að flytja einn út í skóg og byggja utan um sig kofaskrífli og lifa af því sem náttúran gaf af sér. Hann vildi upplifa lífið í sinni tærustu og upprunalegustu mynd og læra af náttúrunni. Hann á stóran þátt í mótun umhverfisfræða og Thoreau lagði mikla áherslu á sjálfbæran lífsstíl. Hann skrifaði einnig bókina Borgaraleg óhlíðni sem hefur haft ómæld áhrif og gerir enn.

Sunnudaginn 25. september verður rabbfundur í tengslum við sýningu Hildar í Ásmundarsal þar sem fjallað verður um Henry David Thoreau. Þar munu fjölmargir áhugamenn um Thoreau ræða afstöðu sína til verka hans og útfrá spurningunni – Á Thoreau erindi við okkur í dag?

Sjá nánar um Thoreau á Wikipedia.

Efri myndin er ofið verk eftir Hildi Hákonardóttur en sú neðri ljósmynd af Henri David Thoreau.

Einkunn