Nature.is

Uppstilling á sandi

Uppstillingar á við þessa má nú finna um víðan völl, enda náttúran önnum kafin við að auka kyn sitt og skartar til þess sínu fegursta.

Fremst í hópi þessara sandelsku plantna er geldingahnappur [Armeria maritima] á sínum fallegasta blómgunartíma, til hægri er blóðberg [Thymus praecox ssp. arcticus]. Ofan við blómplönturnar er kattartunga [Plantago maritima].

Evaluation

Berjatíðin að ganga í garð

Það er ótrúlegt en satt, berjatíðin er að ganga í garð. Ég tíndi þroskuð bláber og krækiber í austurhliðum Ingólfsfjalls í gær. Fyrsta bláberjaskyr ársins var því borðað með bestu lyst þann 20. júlí í ár. En þetta er auðvitað ekkert meðalárferði. Eitt er að veðrið í sumar hefur verið ákaflega berjavænt og annað að hlýnun jarðar hefur sannanlega sitt að segja.

Ég sat því með blendnar tilfinningar við berjatínsluna í gær.

Á Wikipedia segir; „Bláber eru ávextir  ákveðinna lynga af bjöllulyngs-ættkvíslinni, lyngið sem berin vaxa á er kallað bláberjalyng. Berin eru vinsæl til matargerðar  hjá mannfólkinu en einnig eru þau í miklu uppáhaldi hjá mörgum dýrum m.a. þröstum. Á Íslandi þroskast þau yfirleitt ekki fyrr en seint í ágúst sem flest önnur ber.“

Þú finnur miklu meira um ber hér á vefnum með því að slá inn leitarorð í leitarreitinn hjá Voffa. Sjá t.d. „Ber á annan veg“.

Ljósmyndir: Einar Bergmundur.

Evaluation

Blóðberg á sandi

Landið er nú eitt blómahaf. Vegkantar eru víða sem skreyttir fyrir brúðkaup. Gulmurur, músareyru, blágresi, hofsóleyjar, fífur, fíflar, grös og blóðberg skarta sínu fegursta.

Myndin var tekin af blóðbergsskjóttum sandi við þjóðveginum milli Eyrarbakka og Þorlákshafnar. Ljósmynd: Guðrún Tryggvadóttir.

Evaluation

Augljós árangur uppgræðslu á Hellisheiði

Nú er að koma í ljós greinilegur árangur uppgræðslustarfs Orkuveitu Reykjavíkur í grennd Hellisheiðarvirkjunar síðustu ár. Ljósmyndir teknar við upphaf verkefnisins, árið 2007, og svo nú á dögunum leiða þetta í ljós. Sums staðar hefur hefðbundnum aðferðum verið beitt við uppgræðsluna en annarsstaðar hefur sérstaklega verið leitast við að endurheimta þann heiðargróður sem einkennir uppgræðslusvæðin. Það verkefni er afrakstur ýtarlegra vísindalegra rannsókna, sem OR hefur styrkt.
Frá árinu 2007 hafa sumarstarfsmenn hjá Orkuveitu Reykjavíkur unnið að ýmsum umhverfisverkum á Hellisheiði í tengslum við framkvæmdir á svæðinu. Unnið hefur verið að uppgræðslu, ruslatínslu og landslagsmótun. Uppgræðslan hefur heppnast vel og hefur tekist að græða upp áður örfoka land.

Markmið uppgræðslunnar er að loka rofabörðum og rofnum svæðum og nota til þess innlendar grastegundir og tegundir sem er lágvaxnar og lítt áberandi í landslaginu. Áburðarmagni er stillt í hóf þannig að með tímanum taki staðargróður sér bólfestu í svæðunum, en markmiðið er að þau falli vel að landslaginu í framtíðinni.
Umsjón með verkefninu hefur Herdís Friðriksdóttir, skógfræðingur hjá OR, og hluti þess hefur verið unninn í samstarfi við umhverfissamtökin Gróður fyrir fólk.

Á myndunum hér til hliðar má sjá árangurinn af uppgræðslu við Reykjafell. Efri myndin er frá  2007 og sú neðri frá 2010. Á heimasíðu OR er að finna samanburðarmyndir víðar af virkjanasvæðinu.

Myndasafn af uppgræðslunni á heimasíðu Orkuveitu Reykjavíkur.
Glærukynning um rannsókn á endurheimt staðargróðurs á Hellisheiði.

Evaluation

Hay and grass

There are about 10,000 types of grasses worldwide. Among them are the types of grain e.g., oats, barley, wheat, rice and corn. Around 10,000 years ago as the value of seed was discovered, mankind started using those plants as food. From then on they have been the mainstay of the human diet. Since the settlement of Iceland, dry hay has been used as winter feed for sheep and cattle. The grasses in the summer and the hay in the winter are converted into meat and milk that has been so important for keeping us alive.

Evaluation