Af baunarækt í Ölfusi

Nýtíndir baunabelgir í poka.Vorið 2012 ákvað ég að reyna við baunarækt, jafnvel þó að það hafi ekki gengið nógu vel árið áður. Ástæðan þá var sennilega sú að ég útbjó ekki klifurgrindur fyrir þær svo baunagrösin uxu í flækju við jörð og baunamyndunin varð því ekki mikil.

Baunaræktunin var það sem veitti mér hvað mesta ánægju í garðinum mínum þetta sumar. Það kom mér svo á óvart hve auðveld hún var og hvað baunirnar voru stórkostlega bragðgóðar.

Baunir eru strangt tiltekið ekki grænmeti heldur eru þær belgjurtir (legume) og eru stútfullar af prótíni. Ég aðhylltist jurtafæði eingöngu alveg frá því ég var tvítug til fertugs en þar eru baunir af öllum stærðum og gerðum nauðsynlegur prótíngjafi. Baunaréttir eru því mitt „spezialität“ svo ég sletti nú. Kjöt kann ég varla að elda.

Baunaát ætti að geta leyst kjötát af hólmi í mun meiri mæli en nú er en við framleiðsla kjöts þarf mikið magn vatns, heys, korns og ekki síst lands. Það þarf t.a.m. um 25 sinnum meiri orku til að framleiða eina kaloríu af nautakjöti en til að framleiða eina kaloríu af korni til manneldis (sjá grein). Auk þess er kolefnislosun af völdum kjötframleiðslu um 9%* af heildarkolefnislosun jarðar.

Að borða lítið af kjöti er því eitt það umhverfisvænsta sem hægt er að gera.

Því finnst mér mikilvægt að komast að því hve margar baunategundir gætu vaxið hér á landi. Baunirnar eru algert lostæti og af aðeins einum fermeter lands varð uppskera mín um 3-4 kg. Lífrænt ræktað auðvitað. Sáð eftir Sáðalmanakinu (sáð beint í jörð þ. 20. maí, ath. baunir tilheyra flokknum ávöxtum) og áburður í fyrrum mýrlendi aðeins hrossa- og hænsnaskítur og örlítið af kalksandi. Síðustu baunirnar tíndi ég af baunagrasinu fyrir seint í september.

Næsta ár reyndi ég að rækta fleiri baunategundir en eins og það sumar var nú votviðrasamt þá gekk engin ræktun sérstaklega vel. Mér tókst að láta kjúklingabaunir spíra og vaxa upp í um 30 sm baunagras en það blómstraði ekki. Í ár reyndi ég aftur við kjúklingabaunirnar og grasið óx í um 60 sm hæð og blómstraði. Baunir urðu þó ekki til enda var ég með þetta úti en ekki í gróðurhúsi.

* http://en.wikipedia.org/wiki/Environmental_impact_of_meat_production

Ljósmynd: Baunagrösin og hluti uppskerunnar, ljósm. Guðrún A. Tryggvadóttir.

09/18/2014
Meira

Bíllausi dagurinn er 22. september

Tilgangur „bíllausa dagsins“ er að fá fólk til að huga að öðrum ferðamáta en með einkabílum. Fyrir fjölda fólks eru til valkostir s.s. almenningsvagnar, reiðhjól, ganga eða samflot. Nú á tímum samdráttar hefur dregið úr akstri einkabíla og aukinn áhugi er á öðrum leiðum. En það er náttúrulega ekki nóg að breyta háttum sínum einn dag á ári. Það þarf að breyta háttum allt árið.

Ljósmynd af hjolreidar.is.

09/18/2014
Meira

Loftslagsganga í Reykjavík

System Change not Climate ChangeÞann 23. September næstkomandi munu leiðtogar heims funda í New York um loftslagsbreytingar. Aðalritari Sameinuðuþjóðanna, Ban Ki-moon, er gestgjafi fundarins og markmið hans, og um leið alþjóðasamfélagsins, er að gefa ráðamönnum tækifæri til að ræða nauðsyn aðgerða, nú rúmu ári fyrir Loftslagsþingið sem haldið verður í París í lok næsta árs. Þar er stefnt að bindandi samkomulagi aðildarríkjanna um samdrátt í losun gróðurhúsalofttegunda.

Til að undirstrika kröfur okkar um að Ísland axli sína ábyrgð stefnum við að því að hittast þann 21. september kl. 14:00 á horni Kárastígs, Frakkastígs og Njálsgötu (nálægt söluturninum Drekinn – eða á „Drekasvæðinu“). Gengið verður ...

09/18/2014
Meira

Að frysta vetrarforða af hvítkáli

Hvítkál skolað eftir snögga suðu.Ef hvítkálsuppskeran hefur gengið „of“ vel og erfitt er að torga uppskerunni, jafnvel þó hvítkál geymist mánuðum saman í kæli, hefur þessi aðferð reynst mér vel.

Snöggsjóðið hvítkál:

Hvítkálið er skorið niður og kastað örskotsstund í sjóðandi vatn. Veitt strax aftur upp úr og kælt undir rennandi vatni í sigti. Sett í llitla poka og fryst. Frysta hvítkálið er svo hægt að nota í alls kyns rétti allan veturinn og fram á vor.

Hvítkálið komið í litla nestispoka, tilbúið til frystingar.

 Ljósmyndir: Guðrún A. Tryggavdóttir.

09/18/2014
Meira

Fyrsti aðalfundur Vistræktarfélags Íslands

Þátttakendur í vistræktarnámskeiði í Alviðru í sumar gera bingbeð (Hügelbett)Fyrsti aðalfundur Vistræktarfélags Íslands verður haldinn laugardaginn 20. september kl. 14:00 í húsnæði Dýraverndarsambands Íslands að Grensásvegi 12a.

Vistræktarfélag Íslands var formlega stofnað í ágúst sl.

Til að öðlast atkvæðisrétt á fundinum er gestum boðið að gerast félagar við innganginn. Allir velkomnir!

Dagskrá:

  • Setning aðalfundar
  • Hefðbundin aðalfundarstörf s.s. stefnumörkun félagsins, kjör stjórnar og ákvörðun félagsgjalds
  • Aðlfundi slitið
  • Kynningar á vistræktarverkefnum þ.á.m. Vistræktarsíðu Náttúran.is.
  • Samvera / veitingar

 

09/18/2014
Meira

Allsnægtir og afneitun

Uppskera í kassa.Haustið er tími allsnægtanna í garðinum. Nú getum við leyft okkur daglegar stórveislur úr því sem við sjálf höfum aflað. Það er liðin sú tíð þegar vinnufólk Björns í Sauðlauksdal fúlsaði við grænmetinu sem hann hóf að rækta upp úr miðri átjándu öld langt á undan sínum samtíðarmönnum. Vinnufólkið lét hann heyra að gras væri fyrir sauðfé. Kaup var á þessum tíma aðallega goldið í mat og húsnæði og því fannst fólkinu rétt og sanngjarnt að verja sín launakjör. Askur var stöðluð mælieining.

Björn lét sér þetta lynda og beið þolinmóður og kom uppskerunni fyrir í útihúsi. Þegar enn haustaði ...

09/17/2014
Meira

Green Growth the Nordic Way - Loftslagsbreytingar og lífhagkerfið

Baráttunni gegn loftslagsbreytingunum og nýjum viðmiðum í tengslum við lífhagkerfið er oft stillt upp sem andstæðum. Sumir sjá fyrir sér í þessu togstreitu milli varðveislusinna og nýtingarsinna. Í nýjasta tölublaði veftímaritsins „Green Growth the Nordic Way“ könnum við samvirkniáhrif þessara tveggja viðmiða.

Oft er litið á tengsl loftslagsbaráttunnar og lífhagkerfisviðmiða sem baráttu milli náttúruverndarsjónarmiða annars vegar og nýtingarsjónarmiða hins vegar. En þessi tvígreining er rangtúlkun og nýja lífhagkerfið felur í raun í sér tækifæri til hagvaxtar um leið og loftslagsáhrif eru lágmörkuð.

Eitt af meginverkefnum samtaka á borð við Norrænu ráðherranefndina er að byggja brýr og það að brúa bilið ...

09/17/2014
Meira

Að gera sitt eigið eplaedik

Eplin komin í krukkurnar og klútur yfir.Að gera sitt eigið eplaedik er bæði auðvelt og skemmtilegt, fyrir utan hvað það hlítur að vera hollara en allt annað. Eplaedik hreinsar líkamann, hjálpar honum að taka upp kalk og er fullt af vítamínum.

Innihald:

1 - 1 ½ kg af súrum eplum (helst lífrænum)

1 - 1 ¼ líter af vatni

4 - 5 teskeiðar af góðu hunangi teaspoons of natural honey (eða hrásykri)

Ílát og verkfæri:

Glerkrukka, bleyja og trésleif.

Aðferð:

  1. Þvo eplin, skera þunn (með öllu, kjörnum og skræli) og henda í krukkuna.
  2. Hellið soðnu, köldu og sættu vatni (hlutföll: 1 teskeið af hunangi/sykri á móti 250 ml ...
09/17/2014
Meira

Kláði, sviði, verkur, bólga og pirringur

Kristín Gunnlaugsdóttir og Margrét Jónsdóttir.Sýning Kristínar Gunnlaugsdóttur og Margrétar Jónsdóttur „Kláði, sviði, verkur, bólga og pirringur“ var opnuð í Nesstofu Seltjarnarnesi sl. laugardaginn.

Hinn lítt aðlaðandi orð sem fylla sýningartitil Kristínar Gunnlaugsdóttur og Margrétar Jónsdóttur, Kláði, sviði, verkur, bólga og pirringur, eru kyrfilega greipt í sögu sýningarstaðarins Nesstofu og má ímynda sér að orðin hafa gert sig heimankomin þar á meðan landlæknir, lyfsalar og ljósmæður höfðu þar aðsetur. Í Nesstofu fóru fram lækningar þar sem notast var við jurtir í lækninga- eða heilsuskyni jafnt úr  íslenskri flóru eða innfluttri, en Urtagarðurinn í Nesi geymir einmitt safn sumra þessara lækningajurta.

Í þennan sagnabrunn minninganna sækja ...

09/17/2014
Meira

Ljósmyndaleikur Hjarta landsins

Hjartafell í Hofsjökli.Hafinn er ljósmyndaleikur Hjarta landsins á vegum Landverndar. Með þátttöku gefst öllum áhugasömum tækifæri á að vekja athygli á verðmætunum sem fólgin eru í víðernum hálendisins og taka undir kröfuna um vernd þeirra. Þú tekur þátt með því að senda ljósmynd sem þú hefur tekið á hálendinu á landvernd@landvernd.is merkt ,,hálendismynd“ eða birtir hana á instagram merkta #hjartalandsins.

Verðlaun verða veitt fyrir bestu myndirnar. Verðlaunin eru gönguskór frá Útivist, gönguferð með Ferðafélagi Íslands, iPhone 5C frá Símanum og flugferð yfir hálendið með Ómari Ragnarssyni. Hægt er að senda inn myndir til 15. október.

Hálendið – hjarta landsins er verkefni ...

09/16/2014
Meira

Loftgæði vegna eldgoss í Holuhrauni

Útlit korts yfir loftgæðamælingar v. eldgoss í Holuhrauni.Umhverfisstofnun hefur opnað tímabundna upplýsingasíðu vegna mengunar frá eldgosinu í Holuhrauni.

Þar má finna nýjustu fréttir, helstu upplýsingar, ráðleggingar og einnig hægt að senda fyrirspurn til stofnunarinnar.

Smella hér til að sjá nýjustu mælingarnar.

Með því að þrýsta á bláu hnappana sérðu nýjustu mengunarmælingar á brennisteinsdíoxíði (SO2) vegna eldgossins í Holuhrauni. 

09/16/2014
Meira

RÚV og Tómas J. Knútsson verðlaunuð

Magnús Geir Þórðarson útvarpsstjóri sem tók við Fjölmiðlaverðlaununum úr hendi umhverfisráðherra Sigurðar Inga Jóhannssonar fyrir hönd RÚV.Umhverfis- og auðlindaráðherra, Sigurður Ingi Jóhannsson, veitti í dag í tilefni af Degi íslenskrar náttúru, RÚV – hljóðvarpi og sjónvarpi, fjölmiðlaverðlaun umhverfis- og auðlindaráðuneytisins. Við sama tækifæri veitti hann Tómasi J. Knútssyni, Náttúruverndarviðurkenningu Sigríðar í Brattholti.

Tilnefndir til fjölmiðlaverðlaunanna voru:

  • Gunnþóra Gunnarsdóttir, blaðamaður á Fréttablaðinu fyrir greinaflokkinn Útivist og afþreying þar sem sjónum var beint að áhugaverðum náttúruperlum í öllum landshlutum á hnitmiðaðan, einfaldan og fallegan hátt.
  • Just.In.Iceland fyrir að nýta sér Netið og gagnvirkni þess til að kynna sérstöðu Íslands fyrir umheiminum með því að skapa stafrænan vettvang til að birta og deila fagmannlega teknum ljósmyndum af íslenskri ...
09/16/2014
Meira

Ensk útgáfa af Náttúrukorti Framtíðarlandsins komin í loftið

Ensk útgáfa af Náttúrukorti Framtíðarlandsins fór í loftið í dag, á Degi íslenskrar náttúru.

Með því fá ekki aðeins Íslendingar heldur heimurinn allur yfirsýn yfir þann fjársjóð sem íslensk náttúra hefur að geyma og um leið þá ógn sem stafar af ásælni í orku hennar. Vonandi mun sú þekking stækka hóp þeirra sem koma landinu til verndar.

Fegurstu staðir landsins eru líka þeir orkuríkustu, það verður því ekki bæði sleppt og haldið.

Við eigum heildstætt miðhálendi einmitt núna, en það er ekki sjálfgefið að svo verði um ókomna tíð. Þekking og yfirsýn yfir perlur landsins og virkjunaráformin sem að þeim ...

09/16/2014
Meira

E aukefnatól

Nýtt E aukefnatól

Náttúran.is hefur nú þróað nýtt E aukefnatól í handhægt form sem hægt er að skoða hér á vefnum en einnig á farsímum og spjaldtölvum í búðinni (e.natturan.is).

Hér er hægt að leita eftir þeim E aukefnum sem birtast á innihaldsmiðum umbúða og vera þannig upplýstur um hvort að innihaldsefni eru í grænum, rauðum eða gulum flokki.

  1. Grænt efni sem eru almennt talin hættulaus eða jafnvel holl.
  2. Gult efni sem vert er að kynna sér betur og móta eigin afstöðu til.
  3. Rautt efni sem almennt eru talin varasöm eða jafnvel hættuleg.

Um E aukefnin:

Öll ...

09/16/2014
Meira

Markmið og saga Náttúrunnar

Náttúran.is er upplýsingaveita og fréttamiðill fyrir allt sem tengist náttúru og umhverfi á einhvern hátt.

Náttúran.is er sjálfstætt starfandi vefsetur með aðaláherslu á að þjóna hinum almenna neytanda með áreiðanlegum upplýsingum um allt sem snertir umhverfi okkar og heilsu. Í raun er hér allt undir, nærumhverfi okkar og náttúran sjálf sem og heimilið, neyslan og fyrirtækin sem upplýstir borgarar vilja fá til aðstoðar við að skapa sjálfbæra framtíð.

Markmiðið er að gera neytendum umhverfisvænar lausnir sýnilegri og aðgengilegri með því að tengja á milli vistvænnar aðferðafræði á öllum sviðum og raunverulegs vöru- og þjónustuframboðs í landinu. Til að ...

09/16/2014
Meira

Vertu með í að hreinsa plastið úr heimshöfunum

Umhverfisstofnun stendur fyrir alþjóðlegri ráðstefnu um plast í hafi í Hörpu þann 24. september 2014. Meginmarkmið ráðstefnunnar er að leggja til aðgerðir til að draga úr plastúrgangi í hafinu. Plast leikur stórt hlutverk í daglegu lífi okkar og mun gera það um fyrirsjáanlega framtíð. Vitað er að plastúrgangur í hafinu hefur neikvæð áhrif á auðlindir hafsins og á sjávarútveg, svo og á nýtingu strandsvæða fyrir almenning og ferðaþjónustu. Nauðsynlegt er að draga úr þessum áhrifum.

Plastúrgangurinn í hafinu er af ýmsum toga, allt frá míkróplasti sem hefur m.a. verið notað í auknum mæli í snyrtivörur á allra síðustu árum ...

09/15/2014
Meira

Dagskráin á Degi íslenskrar náttúru

Dynkur í ÞjórsáÁ fundi ríkisstjórnarinnar þ. 1. október 2010 var ákveðið að 16. september, fæðingardagur Ómars Ragnarssonar, yrði þaðan í frá „dagur íslenskrar náttúru“.  Svandís Svavarsdóttir umhverfisráðherra lagði fram tillögu þess efnis. Hún sagði að ákvörðun ríkisstjórnarinnar vera viðurkenningu á framlagi Ómars til náttúruverndar og almenningsfræðslu um mikilvægi íslenskrar náttúru sem og allra þeirra sem lagt hafa sitt af mörkum til að efla fræðslu um íslenska nátttúru. (sjá frétt)

Dagur íslenskrar náttúru er nú hladin hátíðlegur í fjórða sinn. Dagskráin á degi íslenskrar náttúru 16. september 2014 er svohljóðandi:

Höfuðborgarsvæðið

10:00 - 19:00 Kópavogur Náttúrufræðistofa Kópavogs býður á sýninguna „Þríhnúkagígur og ...

09/15/2014
Meira

Hreindýramosi

HreindýramosiSé maður úti á gangi um heiðar og finni mjúkan og örlítið rakan hreindýramosa er ekkert á móti því að taka lúkufylli með heim og setja í flatbrauð eða heilhveitibollur. Best er að gera þetta strax því hann molnar þegar hann þornar og þó bragðið breytist ekki verður lítið úr honum. Björn í Sauðlauksdal segir að hann þurfi mikla suðu áður en hann verður vel ætur. Ég hef að vísu ekki forsoðið hann en það er athugandi.

Úr Ætigarðinum - handbók grasnytjungsins, eftir Hildi Hákonardóttur. 

Ljósmynd: Hreindýramosi í mosa, ljósm. Guðrún Tryggvadóttir.

09/14/2014
Meira

Dró úr gosvirkni í gær - mikil gasmengun á svæðinu

Frá gosstöðvunum í Holuhrauni þ. 10. sept. 2014.Í gær dró úr gosvirkni í Holuhrauni. Þá var aðeins miðhluti gossprungunnar virkur og sloknað á gígnum Suðra. Hæstu strókarnir úr gígnum Baugi voru 120 metrar en gígurinn er orðinn 60 metra hár.

Þetta kemur fram á facebook síðu Jarðvísindastofnunar. Ármann Höskuldsson eldfjallafræðingur sem staddur er norðan Dyngjujökuls sagði í samtali við fréttastofu að jarðvísindamenn hafi ekki komist að gosstöðvunum í morgun vegna gasmengunar, en til standi að fara þangað fyrir hádegi. Hann minnir á að áður hafi dregið úr virkni í gígunum en síðan hafi virkni aukist á ný.

Enn skelfur í Bárðarbungu. Klukkan sjö í morgun varð þar ...

09/14/2014
Meira

Messages: