Endurvinnslukort Djúpavogshrepps komið í loftið

Guðrún Tryggvadóttir framkvæmdastjóri Náttúran.is og Andrés Skúlason oddviti Djúpavogshrepps handsala fyrsta Endurvinnslukortssamninginn í lok janúar 2015.Á síðastliðnum 7 árum hefur Náttúran.is staðið að þróun Endurvinnslukorts sem tekið hefur á sig ýmsar myndir. Endurvinnslukortið er bæði til í vef- og app-útgáfu og fyrirtækið hefur notið stuðnings umhverfis- og auðlindaráðuneytisins, Úrvinnslusjóðs, SORPU bs., Sorpstöðvar Suðurlands bs., Reykjavíkurborgar, Umhverfissjóðs Landsbankans og Gámaþjónustunnar hf. við þróun kortsins.

Tilgangur Endurvinnslukortsins er að fræða almenning um endurvinnslu, hvetja fólk til að taka þátt í því að minnka magn sorps sem fer óflokkað í heimilistunnuna, og gefa eins fullkomið yfirlit og mögulegt er yfir hvar á landinu sé tekið við hverjum endurvinnsluflokki.

NÝTT! Endurvinnslukort sveitarfélaganna

Nú hefur Endurvinnslukortið tekið á sig nýja mynd, með fjölda nýrra þjónustuliða en öllum sveitarfélögum landsins býðst að gerast samstarfsaðilar að verkefninu og veita íbúum sínum þannig aukna þjónustu með eigin Endurvinnslukorti á heimasíðu sveitarfélagsins.

Starfsfólk Náttúrunnar hefur verið á ferð um landið frá því í byrjun desember að kynna Endurvinnslukortið og lært mikið um stöðu mála á landinu á ferðum sínum. Við höfum heimsótt 48 sveitarfélög og heimsóknunum verður haldið áfram þegar betur viðrar.

Nú þegar hafa samningar verið undirritaðir við nokkur sveitarfélög þar á meðal Djúpavogshrepp sem reið á vaðið og fékk þvífyrstur Endurvinnslukort þróað til að fella inn á vef sinn. Takmarkið er að öll sveitarfélög á landinu sjái sér hag í því að taka þátt í samstarfinu þannig að allir, bæði íbúar og ferðamenn, innlendir og erlendir, hafi aðgang að ítarlegum og samræmdum upplýsingum, hvar svo sem þeir eru staddir á landinu hverju sinni.

Endurvinnslukort sveitarfélaganna fela í sér eftirfarandi þjónustu:

  • Skilgreiningu á endurvinnslumöguleikum og sorpþjónusta svæðisins s.s.; tunnum, lúgum, mótttökustöðvum og endurvinnsluflokkum.
  • Sorphirðudagatal tengt heimilisfangi persónu eða fyrirtæki sem síðan tengist þjónustusvæði með leiðarbestun að næstu móttökustöð og dagréttum veðurviðvörunum á leiðum.
  • Áskrift að iCal og Google dagatölum Endurvinnslukortsins með tilkynningum og viðvörunum til að tengja í síma og tölvur.
  • Spurt og svarað samskiptakerfi.
  • Þjónustusíma
  • Tengingu við ítarefni á Endurvinnslukortinu yfir allt landið.
  • Efni á íslensku og ensku.

Endurvinnslukortið mun halda áfram að vera í stöðugri þróun og fylgja öllum breytingum eftir. Leiðarvísun og Spurt og svarað samskiptakerfi er á síðustu metrum í þróun og detta inn á næstu dögum. Hafið samband við Guðrúnu Tryggvadóttur í síma 863 5490 eða gunna@nature.is til að fá nánari upplýsingar um Endurvinnslukort sveitarfélaganna.

Skoða Endurvinnslukort Djúpavogshrepps á djupivogur.is.

 

03/05/2015
Meira

Hrafnaþing – Drónar og notkun þeirra við náttúrurannsóknir

Páll Bjarnason byggingartæknifræðingur flytur erindið Drónar og notkun þeirra við náttúrurannsóknir á Hrafnaþingi miðvikudaginn 4. mars kl. 15:15. Hrafnaþing er haldið í húsakynnum Náttúrufræðistofnunar að Urriðaholtsstræti 6-8 í Garðabæ, í Krummasölum á 3. hæð.

Páll Bjarnason er byggingartæknifræðingur hjá EFLA verkfræðistofu. EFLA hefur unnið með dróna eða flygildi undanfarin tvö ár á samstarfi við Suðra ehf. og UAS Iceland. Farið verður yfir reynslu af notkun flygildanna og hverju er hægt að búast við af þeim, þ.e. gögn og gæði.

Á árinu 2014 voru flogin samtals 80 flug þar m.a. var kortlagt fyrir rannsóknir, skipulagsvinnu eða framkvæmdir. Sýnd ...

03/04/2015
Meira

Nýtt norrænt verkefni: Endurvinna á plastúrgang í auknum mæli

Plastmerkin sjö.Á hverju ári er um 700 þúsund tonnum af plastúrgangi hent í rusl á norrænum heimilum. Þetta plast væri unnt að endurnýta. Norræna ráðherranefndin hefur því hrint verkefni í framkvæmd sem gengur út á að kanna leiðir til að auka endurvinnslu á plastúrgangi á Norðurlöndum. Verkefnið hefur nú skilað af sér leiðbeiningum sem miðast við norrænar aðstæður.

Víða um heim er notkun á plasti að aukast. Um leið eykst plastúrgangur og losun hans út í náttúruna. Mikið magn plastumbúða endar sem heimilissorp.

Þrjár nýjar skýrslur um endurvinnslu á plasti hafa verið unnar á vegum átaksverkefnis norrænu forsætisráðherranna um grænan hagvöxt ...

03/03/2015
Meira

Leyfilegt að banna plastpoka

Plastpokar. Ljósm. Guðrún Tryggvadóttir.Innan skamms verður stjórnvöldum í aðildarríkjum Evrópusambandsins og þar með EES-svæðisins heimilt að skattleggja innkaupapoka úr plasti að vild og jafnvel banna notkun þeirra alfarið ef þeim sýnist svo.

Þetta var samþykkt á fundi umhverfisráðherra Evrópusambandsins á mánudag, en fyrri tilraunir til að ná svipuðu samkomulagi hafa ætíð strandað á fulltrúum Breta og nokkurra nýjustu aðildarlanda sambandsins.

Markmið samkomulagsins er að draga verulega úr notkun plastpoka innan vébanda Evrópusambandsins, eða um allt að áttatíu af hundraði fram til ársins 2025. Þá er ætlunin að meðalnotkun evrópska meðaljónsins á hefðbundnum innkaupapokum úr plasti verði komin niður í 40 poka á ári ...

03/03/2015
Meira

Upplýstur sparnaður á ikea.is

Ljóstímareiknivélin á ikea.isÁ ikea.is er nú að finna ljóstímareiknivél sem Orkusetur hefur þróað en hún gerir fólki kleift að reikna á einfaldan hátt út hve mikið má spara á ári með notkun á LED ljósaperum, miðað við notkun á glóperum eða Halogenperum.

Aðeins þarf að fylla inn fjölda pera, verð og styrkleika. Þar sem sölu glópera er hætt á flestum sölustöðum, er verð þeirra fest í töflunni.

Sparnaðurinn fer eftir fjölda pera á heimilinu og það er misjafnt hve margar ljósaperur eru á heimilum fólks, en til viðmiðunar er meðalfjöldinn eftirfarandi:

40-70 m2 = 20 ljósaperur

70-100 m2 = 25 ljósaperur

100-130 m2 ...

03/03/2015
Meira

Verðlaunafhending í ljósmyndaleik Landverndar

Mosi í Þjórsárverum. Ljósm. Guðrún Tryggvadóttir. Ath. myndin tengist ekki samkeppninni.Síðastliðið haust efndi Landvernd til ljósmyndaleiksins #hjartalandsins með það að markmiði að vekja athygli á verðmætunum sem fólgin eru í víðernum hálendisins. Ljósmyndaleikurinn er hluti af verkefninu Hálendið - hjarta landsins.

Fimmtudaginn 5. mars mun Landvernd veita verðlaun fyrir ljósmyndir sem bárust, þar á meðal mun Ómar Ragnarsson afhenda fyrstu verðlaun, flugferð yfir hálendið með honum sjálfum. Ómar mun einnig halda stutta hálendishugvekju. Við þetta tilefni mun Landvernd opna nýja heimasíða Hjarta landsins og frumsýna stutt myndband.

Viðburðurinn hefst kl 17:00 á Kex við Skúlagötu.
 
Landvernd býður alla hjartanlega velkomna!

03/02/2015
Meira

San Francisco bannar sölu á plastflöskum

Einnota plastflöskur. Ljósm. Guðrún Tryggvadóttir.Borgaryfirvöld í San Francisco hyggjast banna sölu á plastflöskum sem innihalda vatn. Með þessu vilja yfirvöld í borginni leggja sitt af mörkum til að draga úr gríðarlegum úrgangi sem hlýst af plastframleiðslu heimsins.

Á næstu fjórum árum stendur til að banna sölu á flöskum sem rúma um hálfan lítra af vatni eða minna á opinberum stöðum.

Þeir sem gerast brotlegir við hinar nýju reglur mega eiga von á þúsund dala sekt.

03/02/2015
Meira

Markmið og saga Náttúrunnar

Náttúran.is er upplýsingaveita og fréttamiðill fyrir allt sem tengist náttúru og umhverfi á einhvern hátt.

Náttúran.is er sjálfstætt starfandi vefsetur með aðaláherslu á að þjóna hinum almenna neytanda með áreiðanlegum upplýsingum um allt sem snertir umhverfi okkar og heilsu. Í raun er hér allt undir, nærumhverfi okkar og náttúran sjálf sem og heimilið, neyslan og fyrirtækin sem upplýstir borgarar vilja fá til aðstoðar við að skapa sjálfbæra framtíð.

Markmiðið er að gera neytendum umhverfisvænar lausnir sýnilegri og aðgengilegri með því að tengja á milli vistvænnar aðferðafræði á öllum sviðum og raunverulegs vöru- og þjónustuframboðs í landinu. Til að ...

03/01/2015
Meira

Bæjarbúar – Ræktum grænmeti í kössum

Ungar tómatplöntur í forræktun, hægt er að nota alls kyns ílát undir pottana og sem potta. Ljósm. Paulo Bessa.Ef þú ert búsett/ur í íbúð í bæ eða borg og heldur að þú getir ekki ræktað eigin mat þá hefur þú rangt fyrir þér!

Það er mjög einfalt að rækta grænmeti þó að þú hafir engann garð til umráða ef þú ert með smápall eða svalir, jafnvel bara gluggasillu.

Tómatplöntur er einfalt að rækta í ílátum innivið. Finndu pott eða annað ílát sem er a.m.k. 30 sm breytt og 30 sm djúpt. Fylltu það af góðri gróðurmold, helst moltu og gróðurmold í bland. Tómatplöntur þurfa að vera á sólríkum stað innandyra. Þær þurfa líka mikla vökvun ...

03/01/2015
Meira

Heit framtíð, kalt stríð: Vísindin og loftslagsumræðan

Nokkrir af  þekktustu sérfræðingum samtímans á sviði loftslagsrannsókna, Gavin Schmidt, Erick Fernandes, Kevin Anderson og Erik M. Conway, taka þátt í ráðstefnunni „Heit framtíð, kalt stríð: Vísindin og loftslagsumræðan“ sem fram fer á Háskólatorgi 105 sunnudaginn 1. mars kl. 13:00 -  17:00.

Dagskrá:

  • Guðni Elísson: „Earth2015“
  • Gavin Schmidt: „Simulating the emergent patterns of climate change“
  • Erick Fernandes: „Turn Down the Heat – Why a 4°C Warmer World Must be Avoided”
  • Kevin Anderson: „Delivering on 2°C: evolution or revolution?“
  • Erik M. Conway: „Merchants of Doubt: How Climate Science Became a Victim of the Cold War“

Guðni Elísson, prófessor í ...

02/28/2015
Meira

Hver er ábyrgð fyrirtækja í loftslagsmálum?

Landsvirkjun býður til opins fundar um hvernig fyrirtæki geta unnið gegn losun gróðurhúsaloftslagstegunda og gegn loftslagsbreytingum. Fundurinn verður haldinn í Gamla bíó miðvikudaginn 4. mars, kl. 14:00 - 17:00.

Í tilefni af 50 ára afmæli stendur Landsvirkjun fyrir samtali við þjóðina með opnum fundum og eru allir boðnir velkomnir.

  • Hlutverk Landsvirkjunar í loftslagsmálum - Ragnheiður Ólafsdóttir, Landsvirkjun
  • Loftslagsbreytingar og áhrif þeirra, hvað er til ráða? - Bjarni Diðrik Sigurðsson, Landbúnaðarháskóla Íslands
  • Uppgræðsla lands - Jóhann Þórsson, Landgræðsla ríkisins
  • Breytum lofti í við – kolefnisbinding með skógrækt - Arnór Snorrason, Rannsóknarstöð skógræktar, Mógilsá
  • Landgræðsluskógar og skógrækt við Búrfell - Einar Gunnarsson, Skógræktarfélag Íslands
  • Skógrækt undir merkjum ...
02/28/2015
Meira

Með náttúrunni – Gunnsteinn Ólafsson í eldlínunni - 2. þáttur

Komið þið sælir kæru náttúruunnendur!

Gunnsteinn Ólafsson tónlistarmaður er einn níumenninganna sem seint á síðasta ári voru dæmdir fyrir mótmæli við vegalagningu í Gálgahrauni, í október 2013. Þessar vikurnar segir hann frá því hér í Grænvarpi Náttúran.is hvers vegna hann tók þátt í mótmælum við vegagerð gegnum hraunið, aðgerðunum, framkomu lögreglu, fangelsisvist, dómnum og áfrýjun til Evrópudómstólsins.

Útdráttur úr viðtalinu

Hraunavinir sem dæmdir voru fyrir að verja Gálgahraun: Frá vinstri: Gunnsteinn Ólafsson, Krstinn Guðmundsson, Viktoría Áskeldsdóttir, Tinna Önnu- Þorvaldardóttir, Ragnhildur Jónsdóttir, Sesselja Guðmundsdóttir, Anna María Lind, Ragna Dagbjört Davíðsdóttir, Sveinbjörg Vilhjálmsdóttir.Við náttúruverndarsinnar erum engir vegaverkfræðingar, segir Gunnsteinn. Okkar hlutverk er að standa vörð um náttúruna, aðrir eiga að reikna út kostnað við vegagerðina og annað sem henni viðkemur. Framkvæmdin var meingölluð og allar ákvarðanir henni tengdar teknar á kostnað ...

02/27/2015
Meira

Lærðu að gera fjölnota töskur úr notuðum plastpokum

Halldóra Gestsdóttir og Ingibjörg Petra hönnuðuir og listgreinakennarar kenna hvernig gera má fjölnota töskur úr notuðum plastpokum en þessi kennsla er partur af sýningunni ÁKALL sem stendur yfir í Listasafni Árnesinga.

Þetta er einfalt og fljótlegt, eitthvað sem allir geta gert. Það eina sem þarf til er: notaðir plastpokar, straujárn, smjörpappír og saumavél.

Þessar töskur eru níðsterkar og hver taska er einstök (engin eins).

Kennslan fer fram í Listasafni Árnesinga í Hveragerði þann 7. mars milli kl. 13:00 og 16:00.

Allir velkomnir.

02/27/2015
Meira

Vetrar Matarmarkaður Búrsins

Vetrar Matarmarkaður Búrsins verður haldinn í Hörpu frá 28. febrúar og 1. mars kl. 11:00 - 17:00.

Yfir 45 framleiðendur koma víðsvegar að hlaðnir ljúfmeti til sölu og smakks.

Sjá viðburðinn á Facebook.

Hlökkum til að sjá ykkur!

02/25/2015
Meira

Sigríður Auður Arnardóttir skipuð ráðuneytisstjóri

Sigríður Jónsdóttir, ráðuneytisstjóri umhverfis- og auðlindaráðuneytisins.Umhverfis- og auðlindaráðherra tilkynnti í dag þá ákvörðun sína að skipa Sigríði Auði Arnardóttur í embætti ráðuneytisstjóra frá og með 1. mars næstkomandi. Þetta er gert með vísan til 36. greinar laga um réttindi og skyldur starfsmanna ríkisins.

Sigríður Auður er með embættispróf í lögfræði frá Háskóla Íslands. Hún hefur starfað í ráðuneytinu frá árinu 1998 og gegnt embætti skrifstofustjóra frá árinu 2003, á skrifstofu laga og upplýsingamála, skrifstofu laga og stjórnsýslu og á skrifstofu umhverfis og skipulags. Sigríður Auður var staðgengill ráðuneytisstjóra frá 2007 til 1. mars 2014 þegar hún var settur ráðuneytisstjóri til eins árs.

Stefán Thors, fráfarandi ...

02/25/2015
Meira

Strúturinn eða Fönixinn? Mishljómur eða sköpunargleði í heimi loftslagsbreytinga

Kevin Anderson, prófessor og fráfarandi forstöðumaður Tyndall-loftslagsstofnunarinnar í Manchester, flytur erindi á Háskólatorgi (sal HT-105) undir yfirskriftinni „Strúturinn eða fönixinn? Mishljómur eða sköpunargleði í heimi loftslagsbreytinga“. Fyrirlesturinn verður miðvikudaginn 25. febrúar kl. 13.50–14.50.

Kevin Anderson tekur nú við formennsku í orku- og loftslagsdeild Manchester-háskóla, en mun með fram því stýra Tyndall stofnuninni ásamt nýjum forstöðumanni. Hann er virkur rannsakandi og hefur nýlega birtinga greinar í tímaritum Royal Society og Nature. Hann vinnur að hinum ýmsu verkefnum fyrir stjórnvöld, allt frá skýrslugerð um losun gróðurhúsalofttegunda af völdum flugsamgangna fyrir Evrópuþingið til ráðgjafastarfa fyrir breska forsætisráðuneytið, m.a. um ...

02/24/2015
Meira

Grænir fletir - Vistvænar lausnir innanhúss og utan

Opinn fundur Vistbyggðarráðs í samvinnu við NordGreen verkefnið á Íslandi verður haldinn í Norræna húsinu þ. 6. mars kl. 8:15 - 10:00. Húsið opnar kl. 8:15 – boðið upp á kaffi og brauð til 8:30.

Ein áhrifaríkasta aðferð nútímamannsins til að að hafa áhrifa losun gróðurhúsalofttegunda er að auka hlutfall gróðurs og grænna flata í umhverfinu einkum innan þéttbýlis. Auk þessara jákvæðu umhverfisáhrifa á loftslagið hefur gróður einnig áhrif á inniloft og almenna lýðheilsu. Gróðurþekja á yfirborði mannvirkja hefur jafnframt það hlutverk að draga úr steymi ofanvatns, þar sem hreinsun og uppgufun vatns á sér stað áður en ...

02/24/2015
Meira

Rúmum 175 milljónum úthlutað úr Framkvæmdasjóði ferðamannastaða

Eyjarhóll í Mýrdal. Ljósm. Árni Tryggvason.Ragnheiður Elín Árnadóttir, iðnaðar- og viðskiptaráðherra, hefur staðfest tillögu stjórnar Framkvæmdasjóðs ferðamannastaða um fyrstu úthlutun úr sjóðnum fyrir árið 2015. Að þessu sinni fengu 50 verkefni styrk fyrir 175,7 milljónir króna, til hönnunar og framkvæmda á ferðamannastöðum.

Hæstu styrkir 12 milljónir króna

Sem fyrr eru verkefnin fjölbreytt og dreifast víða um land. Hæstu styrkina, 12 milljónir króna, hljóta Vatnajökulsþjóðgarður vegna salernisaðstöðu við Snæfellsskála og Akraneskaupstaður vegna framkvæmda við Breiðina. Snæfellsbær fær 10 milljón króna styrk vegna aðgengis við Bjarnarfoss í Staðarsveit og 3 verkefni fá styrk á bilinu 8-9,5 milljónir króna.

Styrkjum má skipta í eftirfarandi flokka:

  • Skipulag ...
02/24/2015
Meira

Ráðuneyti umhverfismála í aldarfjórðung

Seljalandsfoss, ljósm. Árni Tryggvason.Umhverfis- og auðlindaráðuneytið fagnar 25 ára afmæli í dag en það var stofnað 23. febrúar árið 1990 undir nafni umhverfisráðuneytisins. Fyrir þann tíma höfðu málefni umhverfis og náttúru heyrt undir ólík ráðuneyti.

Umhverfis- og auðlindaráðherra, Sigrún Magnúsdóttir, er sextándi ráðherrann til að gegna embættinu frá stofnun ráðuneytisins, en fyrsti umhverfisráðherrann var Júlíus Sólnes, sem kosinn var á Alþingi fyrir Borgaraflokkinn árið 1987.

Helstu verkefni hins nýja ráðuneytis voru náttúru- og umhverfisvernd, friðunar- og uppgræðsluaðgerðir, villt dýr og dýravernd, mengunarvarnir, úrgangsmál, skipulags- og byggingarmál, landnýtingaráætlanir og landmælingar, umhverfisrannsóknir, veðurathuganir og –spár, fræðslu- og upplýsingastarfsemi á sviði umhverfismála, samræming aðgerða og alþjóðasamskipti ...

02/23/2015
Meira

Messages: