Nature.is

09.02.2012 kl. 07:46

Færð og aðstæður

Hálkublettir eru á Reykjanesbraut.

Hálkublettir eru á Sandskeiði, Þrengslum og Hellisheiði. Hálka er nokkuð víða á Suðurlandi.

Á Vesturlandi er hálka í Borgarfirði og á flestum fjallvegum en hálkublettir eru þó á Snæfellsnesi.

Á Vestfjörðum er hálka á flestum fjallvegum en hálkublettir nokkuð víða á láglendi.

Á Norðurlandi er snjóþekja eða hálka og verið er að hreinsa allar helstu leiðir.

Á Austurlandi er hálka eða hálkublettir á fjallvegum en meira og minna autt á láglendi.

Á Suðausturlandi er hálka eða hálkublettir vestan við Kvísker.

Þungatakmarkanir

Þungatakmarkanir eru nú víða um land.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Þá eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

Hreindýr á Austur- og Suðausturlandi

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.

Sjá má staðsetningu hreindýrasvæða hér.

Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin