Nature.is

04.02.2012 kl. 07:30

Færð og aðstæður

Í Þrengslum eru hálkublettir, snjóþekja á Mosfellsheiði og hálka á Lyngdalsheiði. Hálkublettir eru víða í uppsveitum Suðurlands.

Á norðanverðu Snæfellsnesi, Fjóðárheiði og á Vatnaleið er snjóþekja en greiðfært á Mýrum og í Borgarfirði. Snjóþekja er einnig á Bröttubrekku, Holtavörðuheiði og á Laxárdalsheiði.

Þungfært er á Háldán og þæfingsfærð á Mikladal en þar er unnið að hreinsun. Á Kleifaheiði og Klettshálsi er þæfingsfærð og skafrenningur. Snjóþekja og éljagangur er á Ódrúgs- og Hjallahálsi. Annars er hálka eða hálkublettir á flestum öðrum leiðum á Vestfjörðum nema hvað það er snjóþekja frá Súðavík og í Ögur.

Á Norðurlandi vestra eru hálkublettir víðast hvar og éljagangur á Vatnsskarði.

Snjóþekja er frá Hjalteyri og á Dalvík. Hálkublettir eru á Víkurskarði og Fljótsheiði en hálka á Mývatns- og Möðrudalsöræfum. Einnig eru hálkublettir á Sandvíkurheiði.

Á Austurlandi er hálka á Fjarðarheiði og snjóþekja á Oddskarði en flestar aðrar leiðir eru greiðfærar.

Á Suðausturlandi er allar helstu leiðir greiðfærar.

Þungatakmarkanir

Vegna hættu á slitlagsskemmdum hefur viðauki 1 verið felldur úr gildi og ásþungi takmarkaður við 10 tonn á nokkrum vegum á Austurlandi og eins á Suðausturlandi alveg vestur að Hvolsvelli. Þetta á einnig við um Norðfjarðarveg og Vattarnesveg frá kl 10, laugardaginn 4. febrúar.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Þá eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

Hreindýr á Austur- og Suðausturlandi

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.

Sjá má staðsetningu hreindýrasvæða hér.

Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin