Hafið og framtíðin sem við viljum
- Location
- Aðalbygging Sæmundargata 2
- Start
- Monday 07. April 2014 12:10
- End
- Monday 07. April 2014 13:10
Related content
Hafið og framtíðin sem við viljum
Dr. Dan Laffoley, sérfræðingur í vistkerfum úthafanna, flytur fyrirlesturinn „Hafið, framtíðin sem við viljum“ í sal 105 á Háskólatorgi (HT105) mánudaginn 7. apríl 12.10– 13.10. Laffoley er þekktur fyrirlesari (danlaffoley.com) og hefur verið mikilvægur þátttakandi stefnumótun og umhverfisverndarumræðu í Evrópu og Stóra-Bretlandi undanfarna áratugi, en hann er m.a. helsti ráðgjafi IUCN (International Union for Conservation of Nature) í verkefnum er lúta að verndun úthafanna og heimskautasvæðanna.
Á undanförnum árum og áratugum hefur umræða um verndun lífríkis sjávar fengið æ meiri athygli. Vísindin sýna að álagið á lífríki sjávar eykst stöðugt – ekki einungis vegna vaxandi auðlindanýtingar heldur einnig vegna loftslagsbreytinga, súrnunar sjávar, mengunar úthafanna og súrefnisþurrðar (hypoxia). Alþjóðasamfélagið hefur reynt að bregðast við með hnattrænum aðgerðum til að bæta stjórn hafsvæða, t.d. með stofnun verndarsvæða (Marine Protected Areas).
Á Ríó +20, umhverfisráðstefnu Sameinuðu þjóðanna í Ríó de Janeiro í júní 2012, sem haldin var undir yfirskriftinni „Framtíðin sem við viljum“, kom glöggt fram að samfélag þjóðanna verður að herða róðurinn eigi að takast að snúa þróuninni við og koma í veg fyrir frekari hnignun á fjölbreytileika lífríkis sjávar. Áskorunin er stór, en allir hljóta að hafa hag af því að koma hér að máli.
Í fyrirlestri sínum mun Dan Laffoley fara yfir helstu ógnir sem steðja að lífkerfum hafsins, meta þann árangur sem náðst hefur og starfið sem er framundan. Sameiginlegir hagsmunir jarðarbúa eru miklir og mikil framtíðartækifæri felast í því að bregðast við af ábyrgð.
Fyrirlestur Dr. Laffoley er haldinn á vegum Náttúruverndarsamtaka Íslands, Earth101 og Íslensku- og menningardeildar Háskóla Íslands.
Ljósmynd: Dan Loffoley, af heimsíðu hans.
Birt:
Tilvitnun:
Náttúruverndarsamtök Íslands „Hafið og framtíðin sem við viljum“, Náttúran.is: April 2, 2014 URL: http://www.nature.is/d/2014/04/02/hafid-og-framtidin-sem-vid-viljum/ [Skoðað:Feb. 19, 2026]Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
Björt Ólafsdóttir umhverfis- og auðlindaráðherra hefur lagt fram skýrslu fyrir Alþingi um stöðu og stefnu í loftslagsmálum. Tilgangur skýrslunnar er að draga saman nýjustu og bestu upplýsingar um stöðuna í loftslagsmálum og að skapa umræðu um næstu skref í þeim efnum.
Umhverfis- og auðlindaráðuneytið hefur gefið út reglugerð um umhverfismerki en hún gildir um norræna umhverfismerkið Svaninn, og umhverfismerki Evrópusambandsins Blómið. Reglugerðin kveður á um skilyrði fyrir veitingu þessara umhverfismerkja fyrir vörur og þjónustu.
Umhverfisstofnun veitti ekki leyfi fyrir tveimur hótelbyggingum á verndarsvæði Mývatns. Skolphreinsun hótelanna er einnig án leyfis Umhverfisstofnunar. Þá er frárennsli hótels skammt frá vatnsbakka Mývatns bæði í ósamræmi við skilmála deiliskipulags og reglugerðir um hreinsun frárennslis við vatnið. Starfsmannahúsum var bætt við annað hótelið í haust án leyfis Umhverfisstofnunar. Umhverfisstofnun veitti ekki leyfi fyrir vinnubúðum fyrir 50 manns við þriðja hótelið, sem nú er í byggingu. Landvernd freistar þess nú með röð stjórnsýslumála að fá tekið á málum sem varða lífríki Mývatns og allan almenning, í ljósi sívaxandi þunga ferðamannastaums og aukins álags á verndarsvæðin í landinu. Mývatn ver sig ekki sjálft.
Aðalfundur Umhverfisvaktarinnar við Hvalfjörð 2017 verður haldinn sunnudaginn 12. febrúar 2017 kl 17:00 í Garðakaffi, Görðum á Akranesi.
Málþing og vinnustofur í Norræna húsinu 2. febrúar 2017
Í gær lýsti forsætisráðherra Íslendinga því yfir í fyrsta sinn, kvitt og klárt, í stefnuræðu sinni að:
