Málþing um vistvænni samgöngur á Snæfellsnesi

Langar þig að breyta bílnum þínum í metanbíl?

Hefur þig dreymt um rafmagnsbíl?

Eiga íbúar á Snæfellsnesi einhverja möguleika hvað varðar vistvænni orkugjafa í samgöngum?

Hvernig geturðu sparað á bílnum sem þú átt nú þegar?

Þriðjudagskvöldið 13. nóvember kl. 19:30 - 22:30 verður haldið málþing í sal Tónlistarskóla Stykkishólms þar sem leitast verður við að fá svör við spurningunum hér að ofan. Íbúar sveitarfélagsins eru sérstaklega hvattir til að mæta á fundinn.

Dagskrá:

• Yfirlit um vistvæna orkugjafa – Sigurður Friðleifsson, Orkusetur
• Metanvæðing – hver er staðan og hvað þarf til? – Sigurður Ástgeirsson, Metanorka
• Hvernig breyti ég heimilisbílnum í metanbíl? – Gísli Sverrisson, MeGas ehf.
• Rafbílavæðing – hver er staðan og hvað þarf til? – Sighvatur Lárusson, Skyndibílar ehf.
• Vistakstur: eldsneytissparnaður án breytinga á orkugjafa – Karl Ingólfsson,  Landvernd.

Fundarstjóri er Stefán Gíslason, umhverfisstjórnunarfræðingur hjá Environice

Aðgangur er ókeypis og allir velkomnir!