Veðurstofan í samráði við lögreglustjórann á Vestfjörðum hefur lýst yfir hættustigi í Bolungarík á reit 4 og  er rýming hafin (Ljósaland 2, Traðarland 18, 21, 22 og Tröð).  Gert er ráð fyrir að umrædd hús verði mannlaus fyrir kl. 20:00 í kvöld.
Ástæða rýmingarinnar er vegna þess að  undir þeim snjó sem fallið hefur undanfarna sólarhringa er afar veikt lag sem valdið hefur því að snjóflóð hafa verið að falla, eitt og eitt á svæðinu og var síðasta þekkta flóð sem féll í dag, úr Hádegisfjalli í Bolungarvík. Í nótt  verður vindátt úr NA með 15 m/s og úrkomu.  Með þeirri úrskomusöfnun sem hefur átt sér stað í Traðargili og þeirrar sem er að vænta í kvöld og nótt  ber að rýma hús á reit 4.  Fólk er beðið um að virða ákvarðanir um rýmingu og vera ekki á ferðinni um svæðið fyrr en hættustigi er aflétt.
Birt:
March 11, 2009
Höfundur:
Einar Bergmundur
Tilvitnun:
Einar Bergmundur „Snjóflóðahætta á Vestfjörðum“, Náttúran.is: March 11, 2009 URL: http://www.nature.is/d/2009/03/11/snjoflooahaetta-vestfjoroum/ [Skoðað:Aug. 4, 2020]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: