Borgir reikna losun sína

Sumar af stærstu borgum Bandaríkjanna hafa tekið sig saman um að mæla og greina frá koltvísýringslosun sinni í fyrsta sinn, undir merkjum nýrrar áætlunar sem tekur til 21 borgar í landinu.

Ætlunin er að borgirnar geti þannig sýnt á mælanlegan hátt hver frammistaða þeirra er í baráttunni við losun gróðurhúsalofttegunda.

Á meðal borganna sem um ræðir eru stórborgir á borð við New York, Las Vegas, New Orleans, Denver og Portland, en einnig minni borgir svo sem Saint Paul í Minnesota og West Palm Beach í Flórída.