Samkvæmt upplýsingum frá Veðurstofu Íslands mun úrkomubelti fara hægt austur yfir landið í nótt. Búast má við mikilli úrkomu í hlíðum Eyjafjallajökuls og við það skapast hætta á vatnavöxtum  í ám umhverfis jökulinn og er sérstaklega varað við leiðinni inn í Þórsmörk.  Síðla nætur og til morguns er  aukin hætta á aurskriðum niður suðurhlíðar jökulsins.   Reikna má með að úrkomutímabilið standi frá kl. 22.00 í kvöld og til hádegis á morgun,  Föstudaginn langa. Náið er fylgst með stöðu mála og Lögreglan á Hvolsvelli hvetur íbúa,  sem og vegfarendur til að fara varlega og fylgjast með fréttum af veðri og færð á vefsíðum Veðurstofu Íslands og Vegagerðarinnar,   www.vedur.is og www.vegagerdin.is

Hér til hægri má sá aðvaranir Verðurstofunnar og smella á skjöld Vegagerðarinnar til að sjá athugasemdir varðandi færð.

Birt:
April 21, 2011
Höfundur:
Einar Bergmundur
Tilvitnun:
Einar Bergmundur „Varað við mikilli úrkomu og vatnavöxtum á Suðurlandi“, Náttúran.is: April 21, 2011 URL: http://www.nature.is/d/2011/04/21/varad-vid-mikilli-urkomu-og-vatnavoxtum-sudurlandi/ [Skoðað:Jan. 28, 2020]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: